ҒАЛЫМҒА ҚҰРМЕТ

Бүгін, 2022 жылғы 18 сәуірде Алматы қаласында профессор, тарих ғылымдарының докторы Нұрлан Кенжеахметтің «Eurasian Historical Geography as Reflected in Geographical Literature and in Maps from the 13th to the mid-17th centuries» (Еуразияның тарихи географисы) атты сүбелі ғылыми монографиясының тұсаукесері өтті.

 

Нұрлан Кенжеахмет қандасымыз 8 тілді жетік меңгерген ғалым, кәсіби тарихшы, картограф. Осыған дейін Қазақстан, Қытай, Жапония, Ресей және Германияның айтулы университеттері мен ғылыми орталықтарында тарихи зерттеулермен айналысқан Нұрлан Кенжеахмет қазір АҚШ-та Гарвард университетінде зерттеушы ғалым.

 

Дүниежүзі қазақтары қауымдастығы Төрағасының бірінші орынбасарының кеңесшісі Дәурен Жанұзақов ғалымның кітабының тұсаукесеріне қатысып, Қауымдастық атынан Нұрлан Кенжеахметке сый-сияпат көрсетті.

Қандас бауырымыз Нұрлан Кенжеахметке құты болсын айта отырып, алдағы ғылыми зерттеу жұмыстарына табыс, зор денсаулық тілейміз!

 

Дүниежүзі қазақтары қауымдастығының баспасөз қызметі

ПІКІР ҚАЛДЫРУ