Дүниежүзі қазақтары қауымдастығы

Ұлттық экономика

Басты бет | Ұлттық экономика | KAZ Minerals Тобы 2017 жылдың І жарты жылдығындағы өндірістік қызметінің нәтижелерін жариялады

      

    KAZ Minerals Тобы 2017 жылдың бірінші жарты жылында өзінің өткен жылдың осындай кезеңіндегі көрсеткіштерін (56 мың тонна) екі еседен астамға арттырып, 118 мың тонна мыс[1] өндірді. Бозшакөл мен Ақтоғай жобаларындағы өндірісті арттыру тоқсан сайынғы өсімді қамтасыз етуде, яғни 2017 жылдың екінші тоқсанында Топ 66 мың тонна мыс өндірген (2017 жылдың 1 тоқсаны: 52 мың тонна).

      Топ 2017 жылдың бірінші жартысында 34,4 млн тонна кен өндірген. Бұл 2016 жылдың бірінші жартысымен (22,1 млн тонна) салыстырғанда 56%-ға артық. Бұған Ақтоғай мен Бозшакөлдегі қайта өндіру қуатының артуы себеп болды. Топтың кәсіпорындарында 2016 жылдың осындай кезеңімен салыстырғанда 3,8 есе көп кен өңделген. Бұл көрсеткіш тоқсандық деңгейде де арта түсті. Екінші тоқсанда бірінші тоқсанмен салыстырғанда 37% артық кен қайта өнделді. Қайта өңдеу көрсеткіштерінің артуына Ақтоғай мен Бозшакөлдегі сульфидті кендерді қайта өңдейтін кен байыту фабрикаларының өткізу мүмкіндіктерінің ұлғаюы әсер етті. Бірінші жартыжылдықтағы өңделген кеннің құрамындағы мыстың орташа үлесі – 0,76%. Өңделмеген 8,3 млн тонна оксидті кен Ақтоғайдағы үймелі сілтісіздендіру панельдерінде жинақталды, ал каолин балшығы бар 9 млн тонна Бозшакөлде қоймаланды.

     Топтағы өндіріс кестеге сәйкес жүріп жатыр және оның қарқыны 2017 жылға жоспарланған 225-260 мың тонна көлеміндегі деңгейге жетуге мүмкіндік береді.

        2017 жылдың екінші тоқсанында Артемьев шахтасындағы үлестің қалпына келуі арқасында концентраттағы мырыштың өндірісі 8%-ға (16,8 мың тонна) артты. Жалпы 2017 жылдың бірінші жартысында KAZ Minerals Тобы 32,3 мың тонна концентраттағы мырыш өндірді. Бұл 2016 жылдың осындай кезеңімен салыстырғанда 18% аз. Оған 2016 жылдың соңында Юбилейно-Снегирихин кенішінің жабылуы және 2016 жылдың екінші жартысындағы Орлов кенішіндегі алты күндік жұмыс кестесі себеп болды.

     2017 жылдың бірінші жартысында алтынның [2] өндірісі 93 мың унцияға дейін артып, өткенде жылдың осындай кезеңімен салыстырғанда екі есе көп болды (45,1 мың унция). Бұған Бозшакөлдегі өндірістің артуы әсерін тигізді. Бұл жағдай екінші тоқсандағы өсімге де әсер етті. Екінші тоқсанда 18% өсім болып, 50,4 мың унцияға дейін жетті (2017 жылдың 1 тоқсаны: 42,6 мың унция). Бозшакөлде бірінші жартыжылдықта өндірілген кеннің құрамындағы алтынның үлесі жоспарланғаннан жоғары болды. 2017 жылдың шілде айынан бастап үлестің төмендеуі күтілуде.

      Бозшакөлдегі өндірістің артуы арқасында күмістің өндірісі2 2017 жылдың бірінші жартысында 1,76 млн унцияға дейін артты (2016 жылдың бірінші жартысында - 1,56 млн унция). Екінші тоқсанда күмістің өндірісі артып, 961 мың унцияға дейін жетті (2017 жылдың 1 тоқсаны - 795 мың унция). Бозшакөлдің үлесімен қатар, бұған Шығыс өңірдегі кеннің құрамындағы күміс үлесінің артуы да әсер етті.

 

           Бозшакөл

      Бозшакөл КБК-дегі кен өндірісі 2016 жылдың бірінші жартыжылдығымен (сульфидті кендерді өңдейтін кен байыту фабрикасы пайдалануға берілудің бастапқы кезеңінде болғанда) салыстырғанда, 2017 жылдың бірінші жартысында 76% артып, 19,4 млн тоннаны құраған.

      2017 жылдың бірінші жартысында Бозшакөлде 11,7 млн тонна кен қайта өңделді. Бұл өткен жылдың осындай кезеңінен қарағанда айтарлықтай жоғары (2,3 млн тонна). Бұл кезде КБК сульфидті кен байыту фабрикасы пайдалануға берілу кезеңінде болса, каолин балшығы бар кендерді өңдеу фабрикасында құрылыс жүріп жатты. 2017 жылдың екінші тоқсанында кен байыту фабрикалары 6,6 млн тонна кенді өңдеді. Бұл бірінші тоқсанмен салыстырғанда 31% артық. Сульфидті кендерді өңдейтін кен байыту фабрикасының өткізу мүмкіндігі екінші тоқсанда есептік қуатының 93%-на жетті (2017 жылдың 1 тоқсаны: 74%). Каолин балшығы бар кендерді өңдейтін кен байыту фабрикасының өткізу мүмкіндігі бірінші тоқсандағы 40%-дан екінші тоқсандағы 69%-ға дейін ұлғайды. Екі фабрикадағы өндірістің артуы кестеге сай жүріп жатыр және есептік қуаттарына 2017 жылдың екінші жартысында жетеді жоспарланған.

      Бозшакөлдегі өңдеу көлемінің артуына сәйкес бірінші жартыжылдықта 52 мың тонна мыс өндірілді. Бұл 2016 жылдың бірінші жартысымен салыстырғанда бес есе көп. Екінші тоқсанда мыс өндірісі 27%-ға артып, 29,1 мың тоннаны құрады (2017 жылдың 1 тоқсаны: 22,9 мың тонна).

       2017 жылдың бірінші жартысында алтынның өндірісі де артты – 62,9 мың унция. Екінші тоқсанда бұл көрсеткіш 34,4 мың унцияға жеткен. 2017 жылдың бірінші тоқсанында бұл көрсеткіш 28,5 мың унция болған.

       2016 жылдың осындай кезеңімен салыстырғанда (58 мың унция) 2017 жылдың бірінші жартысында күмістің өндірісі алты есе артқан (361 мың унция). Екінші тоқсанда өндіріс көлемі 200 мың унцияны құрады. 2017 жылдың бірінші тоқсанында бұл көрсеткіш 161 мың унция еді.

       2017 жылдың бірінші жартысында Балқаш мыс балқыту зауытына толлинг жүйесі бойынша 7,5 мың тонна концентраттағы мыс жеткізілді.

     Бірінші жартыжылдықтағы өндіріс нәтижелері Бозшакөлдің 2017 жылға жоспарланған 95-110 мың тонна мыс аралығына жету жолында екенін көрсетті. Алтын өндірісі жоспарланған 85-110 мың унция аралығының жоғарғы шегінде болады деп күтілуде.

           

Ақтоғай

      Ақтоғай КБК іс-қызметінің жартыжылдықтағы нәтижелерінде 2017 жылдың ақпан айында алғашқы өнімді шығарған сульфидті кендерді өңдейтін кен байыту фабрикасында өндірілген мыс пен оксидті кендерді өңдейтін кешенде өндірілген катодты мыс бар. Ақтоғайдың бірлескен қуаты 33 мың тонна көлеміндегі мыс өндіруді қамтамасыз етті.

     Оксидті кендерді өндіру 2017 жылдың бірінші жартысында тұрақты 8,3 млн тонна деңгейінде жүзеге асты. Бұл өткен жылдың осындай кезеңінен 4%-ға аз. Ал катодты мыстың өндірісі 10,4 мың тоннаға дейін артты. 2016 жылдың бірінші жартысында кешен өндіріс қарқынын арттырудың бастапқы кезеңдерінде болғандықтан 5,4 мың тонна еді. Екінші тоқсанда бірінші тоқсанмен салыстырғанда катодты мыстың өндіріс көлемі 4,7 мың тоннадан 5,7 мың тоннаға дейін өсті. Бұған жылдың жылы мезгілдері жағымды әсер етті. Жалпы 2017 жылы оксидті кеннен 20 мың тоннаға жуық катодты мыс өндіріледі деп жоспарланған.

      Бірінші тоқсанның ортасында алғашқы өнімді шығарған сульфидті кендерді қайта өңдейтін кен байыту фабрикасы есептік өткізу қуатының 47%-на жетті. Сульфидті кендерді өңдейтін фабриканы іске қосу екінші тоқсанда кен өңдеуді 79% артырып, 2,9 млн тоннаға жеткізуге мүмкіндік берді. Өткен тоқсанда бұл көрсеткіш 1,6 млн тоннаға тең болатын.

      2017 жылдың бірінші жартысында Балқаш мыс балқыту зауытына толлинг жүйесі бойынша қайта өңдеуге 5,4 мың тонна концентраттағы мыс жеткізілді. Өндірілген концентраттың қалған көлемі Қытайдың мыс балқыту зауыттарына экспортқа жіберілді.

      Сульфидті кеннен мыс өндіру көлемі екінші тоқсанда 15,4 мың тоннаға жетті (1 тоқсанның алты аптасында – 7,2 мың тонна).

      Бірінші жартыжылдықта Ақтоғайда 33 мың тонна мыс өндірілді. Мыс өндірісінің қарқыны 2017 жылы болжамдық 65-85 мың тонна мыс деңгейіне, яғни 20 мың тонна оксидті кеннен өндірілген катодты мыс пен сульфидті кеннен өндірілген 45-65 мың тонна мыс көрсеткіштеріне жетуге мүмкіндік береді.

        Шығыс өңір мен Бозымшақ

       Шығыс өңір мен Қырғызстандағы Бозымшақ КБК-де мыс өндірісі 2017 жылдың бірінші жартысында 19%-ға азайып, 33 мың тоннаны құрады. 2016 жылдың осындай кезеңінде бұл көрсеткіш 40,8 мың тонна еді. Оған 2016 жылдың соңында Юбилейно-Снегирихин кенішінің жабылуы және 2016 жылдың екінші жартысындағы Орлов кенішіндегі желдету ұңғымасындағы техникалық қызмет көрсету жұмыстарына байланысты алты күндік жұмыс кестесі себеп болды. Бірінші жартыжылдықта Бозымшақ есептік қуатымен жұмыс істеп шықты.

        2017 жылдың екінші тоқсанында мыс өндірісі бірінші тоқсанмен салыстырғанда 9%-ға азайып, 15,7 мың тоннаны құрады (2017 жылдың 1 тоқсаны: 17,3 мың тонна). Бұған Орлов және Николаев кен байыту фабрикаларындағы өндіріс көлемінің азаюы себеп болды.

       KAZ Minerals Тобының басқарма төрағасы Олег Новачук былай деп мәлімдеді: «Мен Ақтоғай сульфидті кендерді өңдеу фабрикасындағы өндіріс қарқының артқаны және біздің басқа кәсіпорындарымыздағы тұрақты өндірістік нәтижелер туралы хабарлауға қуаныштымын. Біз биылғы жылдың екінші жартысында Бозшакөлдегі 100% есептік қуатқа жетуді жоспарлап отырмыз. Өндірістік нәтижелер өнімнің шектеулі ішкі инфляция қолдаған ақшалай өзіндік құнына да жағымды әсер етті. Қазіргі уақытта Ақтоғай мен Шығыс өңір жоспарланған өзіндік құнның жылдық аралығынан төмен көрсеткіштерге сай жұмыс істеп отыр».

         КAZ Minerals – Қазақстанда заманауи, азшығынды тау-кен өндірісін дамытуға бағытталған, өсу әлеуеті зор мыс өндіруші компания. Компания операциялық іс-қызметін Шығыс Қазақстанда орналасқан үш кеніш пен үш кен байыту фабрикаcында және Қырғызстандағы Бозымшақ мыс-алтын кенішінде, сонымен қатар Павлодар облысы мен ШҚО орналасқан Бозшакөл және Ақтоғай кен байыту кешендерінде жүргізеді. 2016 жылы катод эквивалентіндегі мыстың жалпы өндіріс көлемі 140 мың тоннаны құрады, ілеспе өнім ретінде 75 мың тонна концентраттағы мырыш, құйма эквивалентіндегі 120 мың унция алтын мен 3,103 млн. унция күміс өндірілді.

       Топтың өндірістік кәсіпорындары – Бозшакөл мен Ақтоғай - саладағы ең қарқынды даму көрсеткіштерін қамтамасыз етіп, KAZ Minerals-ты қорының басым бөлігі әлемдік деңгейдегі ашық түрдегі кеніштерден тұратын компанияға айналдырмақ.

       Операциялық шығындар бойынша Бозшакөл халықаралық мыс өндіруші жобалар арасында бірінші квартильге кіреді. Бозшакөл КБК кен байыту фабрикаларының жылдық жобалық қуаты 30 млн тонна кенді құрайды. Кен орнын пайдалану мерзімі – 40 жылдан астам. Кендегі мыс құрамы 0,36%. Өндіріс көлемі – алғашқы 10 жылда жыл сайын катодты эквивалентегі 100 мың тонна мысты және 120 мың унция концентраттағы алтынды құрайды.

        Ақтоғай – карьер типтес ірі ауқымды кеніш. Ол Бозшакөлге ұқсас. Кен орнын пайдалану мерзімі - 50 жылдан астам. Кендегі мыс мөлшері 0,37% (тотыққан кен) және 0,33% (сульфидті кен). Ақтоғайда тотыққан кеннен катодты мысты өндіру 2015 жылдың желтоқсан айында басталды, ал сульфидті кеннен алғашқы мыс концентратын өндіру 2017 жылғы ақпан айының басында басталды. Сульфидті кенді қайта өңдейтін кен байыту фабрикасының жылдық қуаты 25 млн тоннаны құрайды. Ақтоғай кен орнының операциялық шығындары халықаралық мыс өндіруші жобаларының арасында бәсекеге қабілетті болып табылады. Өндіріс көлемі - алғашқы 10 жылда жыл сайын сульфидті кеннен өндірілетін 90 мың тонна катод эквивалентіндегі мысты және тотыққан кеннен өндірілетін 15 мың тонна катодты мысты құрайды.

        KAZ Minerals PLC компаниясының құнды қағаздары Лондон, Қазақстан және Гонконг қор биржаларында айналымда. Топта шамамен 13 000 адам жұмыс істейді, олардың басым бөлігі Қазақстан азаматтары.



[1] Мұнда және әрі қарай – концентраттағы ақысы төленетін металл және Ақтоғайдағы оксидті кеннен өндірілген катодты мыс.

[2] Мұнда және әрі қарай – концентраттағы ақысы төленетін металл.

Пікір қосу

Пікірлер

Бас демеуші

Дүниежүзі қазақтары қауымдастығының ұйымдастыруымен Қазақстанда және шетелдерде өтетін мәдени шаралардың бас демеушісі – «Самұрық-Қазына» ұлттық әл-ауқат қоры» акционерлік қоғамы

Ұсынамыз

ҚР БІЛІМ ЖӘНЕ ҒЫЛЫМ МИНИСТРЛІГІ

ҚР ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ

ҚР ҰЛТТЫҚ ЭКОНОМИКА МИНИСТРЛІГІ

ҚР ІШКІ ІСТЕР МИНИСТРЛІГІ

Құттықтау, құтты болсын

ҚР СЫРТҚЫ ІСТЕР МИНИСТРЛІГІ

Барлық ұсыныстар

Мекен-жайы
050002, Алматы қаласы
Ш.Уәлиханов көшесі, 43 А
Тел/факс: +7 (727) 2739997, 2733244.

Web: www.qazaq-alemi.kz
Модератор: info@qazaq-alemi.kz
Қабылдау бөлімі: qabyldau@qazaq-alemi.kz

ЖОЛ КАРТАСЫ

Сайт материалдарын қолдану үшін сілтеме көрсетуіңіз міндетті