Дүниежүзі қазақтары қауымдастығы

Басты бет | Жаңалықтар | Абай ескерткіші Мысыр астанасында орнатылмақ

07.12.2015

Абай ескерткіші Мысыр астанасында орнатылмақ

 
          Мысыр астанасында келер жылы қазақтың ұлы ақыны Абай Құнанбаевтың ескерткіші орнатылады. Бұл туралы Қазақстанның Мысырдағы Елшісі Берік Арын мен Каир қаласының губернаторы Галял Мұстафа Мұхаммед Саидтің кездесуінде мәлім болды.

       Берік Арын мен Галял Мұстафа Мұхаммед Саид кездесу барысында  сауда-экономикалық қатынастарды, мәдени және туристік байланыстарды кеңейту, 1999 жылы қол қойылған Достық пен ынтымақтастық туралы келісім аясында екі ел астанасы арасындағы бауырлас қатынастарды нығайту жолдарын сөз қылды. Осы кездесуде екі тарап Каир қаласының «Еркіндік және достық» саябағында Абай Құнанбаевтың ескерткішін орнату туралы уағдаласты.

       Сондай-ақ, Қазақстанның Мысырдағы Елшісі еліміздегі ішкі саяси және экономикалық оқиғалар, «Нұрлы жол» жаңа экономикалық саясатында көрсетілген міндеттерді жүзеге асыру бойынша жүргізіліп жатқан реформалар мен «ЭКСПО – 2017» мамандандырылған көрмесіне дайындық туралы айтты. Кездесу барысында Берік Арын Қазақстан Президенті Нұрсұлтан Назарбаевтың кезекті «Қазақстан жаңа жаһандық нақты ахуалда: өсу, реформалар, даму» Жолдауының ережелерімен де таныстыруды ұмытпады. Сөз соңында Каир қаласының губернаторы Галял Мұстафа Мұхаммед Саид Қазақстанның және ел астанасының табыстары мен даму жолына жоғары баға берді.

          http://turkystan.kz/zhanalyktar/8453

Пікір қосу

Пікірлер

Бас демеуші

Дүниежүзі қазақтары қауымдастығының ұйымдастыруымен Қазақстанда және шетелдерде өтетін мәдени шаралардың бас демеушісі – «Самұрық-Қазына» ұлттық әл-ауқат қоры» акционерлік қоғамы

Ұсынамыз

ҚР БІЛІМ ЖӘНЕ ҒЫЛЫМ МИНИСТРЛІГІ

ҚР ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ

ҚР ҰЛТТЫҚ ЭКОНОМИКА МИНИСТРЛІГІ

ҚР ІШКІ ІСТЕР МИНИСТРЛІГІ

Құттықтау, құтты болсын

ҚР СЫРТҚЫ ІСТЕР МИНИСТРЛІГІ

Барлық ұсыныстар

Мекен-жайы
050002, Алматы қаласы
Ш.Уәлиханов көшесі, 43 А
Тел/факс: +7 (727) 2739997, 2733244.

Web: www.qazaq-alemi.kz
Модератор: info@qazaq-alemi.kz
Қабылдау бөлімі: qabyldau@qazaq-alemi.kz

ЖОЛ КАРТАСЫ

Сайт материалдарын қолдану үшін сілтеме көрсетуіңіз міндетті