Дүниежүзі қазақтары қауымдастығы

Басты бет | Жаңалықтар | Қоштасқым келмейді...

08.02.2016

Қоштасқым келмейді...

Точно

      Алматыдағы Қазақтың М.Әуезов атындағы мемлекеттік академиялық драма театрының репертуары тағы аударма қойылыммен толықты. Театр қызметкерлері арасында «әкем театр» атанып кеткен еліміздің бас драма театрының осы  айдағы репертуарына енген 23 қойылым енген екен. Оның 9-ы аударма қойылымдар. Соның бірі   6-ақпаннан бастап жұртшылық назарына ұсыныла бастаған Александр Володиннің «Қоштасқым келмейді» деп аталатын драмасы. Оны аударып, сахналаған қоюшы режиссер (Асхат Маемиров) де,  қоюшы режиссердің ассистенті (Азамат Сатыбалды) мен  қоюшы суретшісі (Ерлан Тұяқов) де ҚР Еңбек сіңірген қайраткерлері.

     Орыс драмататургы А.Володиннің бұл пьессасының оқиға желісіне ажырасуға бел буған 8 отбасының әрқилы тағдыры арқау болған. Оның кейіпкерлері әртүрлі әлеуметтік топтың жасы, дүниетанымы жағынан әрқилы өкілдері. Бір бірімізбен мінезіміз, көзқарасымыз, дүниетанымыз сәйкес келмеді деп заңды түрде ажырасу үшін сотқа келген олардың тағдырына судья араша түсуге тырысады. Олардың арасынан тек бір жұп ғана өз отбасыларын сақтап қалса, қалғандары бір-біріне деген сенімсіздік пен өзімшілдіктері арқылы шайқалған шаңырақтарын өз қолдарымен ойран етеді. Ортадағы бейкүнә балалардың тағдырына да өзін емес өзгені айыптаған олардың құлқынның құлына айналғаны сөйлеген сөздері мен жасаған іс-әрекеттерінен айқын аңғарылады. Өз рөлдерін театр артистері (Азамат Сатыбалды, Зарина Карменова, Мерей Мұхтарұлы, Жанль Мақажан, Ғазиза Әбдінәлиева, Еркебұлан Дайыров, Шынар Жанысбекова, Ғалымбек Оспанов, Жанаргүл Жанаманова, Жасұлан Байсалбков, Замира Сапар, Жалғас Толғанбай, Күнсұлу Шаяхметова, Бауыржан Манжгтов, Айзада Сатыбалдиева, Бекжан Тұрыс, Гүлшат Тұтова, Азат Сейтметов және т.б.) мүмкіндіктеріне қарай барынша жеткізуге тырысты. Оның қаншалықты сәтті, сәтсіз болғанын оқырманның өз талқысына қалдырайық. Біздің айтпағымыз көкейімізде еріксіз қылаң берген – қазақ театрындағы ұлттық қойылымдардың  әлі де айтарлықтай толық басымдыққа ие бола алмай жүргені жөнінде болып отыр. Жалпы бірқатар театр ұжымдарының  «классикадан» көз аша алмай жүргені театр қайраткерлері арасында сөз болып жүргеніне біршама уақыт өтті. Алайда одан әлі күнге нақты нәтиже байқалмайды. Театрлардың репертуарлық саясатына жауапты тұлғалар мен мекемелердің  «Көш жүре түзеледі» деп арқаны кеңге салып жүргеніне міне ширек ғасыр өтіпті.  

         Ерлік Ержанұлы

Пікір қосу

Пікірлер

Бас демеуші

Дүниежүзі қазақтары қауымдастығының ұйымдастыруымен Қазақстанда және шетелдерде өтетін мәдени шаралардың бас демеушісі – «Самұрық-Қазына» ұлттық әл-ауқат қоры» акционерлік қоғамы

Ұсынамыз

ҚР БІЛІМ ЖӘНЕ ҒЫЛЫМ МИНИСТРЛІГІ

ҚР ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ

ҚР ҰЛТТЫҚ ЭКОНОМИКА МИНИСТРЛІГІ

ҚР ІШКІ ІСТЕР МИНИСТРЛІГІ

Құттықтау, құтты болсын

ҚР СЫРТҚЫ ІСТЕР МИНИСТРЛІГІ

Барлық ұсыныстар

Мекен-жайы
050002, Алматы қаласы
Ш.Уәлиханов көшесі, 43 А
Тел/факс: +7 (727) 2739997, 2733244.

Web: www.qazaq-alemi.kz
Модератор: info@qazaq-alemi.kz
Қабылдау бөлімі: qabyldau@qazaq-alemi.kz

ЖОЛ КАРТАСЫ

Сайт материалдарын қолдану үшін сілтеме көрсетуіңіз міндетті