Дүниежүзі қазақтары қауымдастығы

Басты бет | Жаңалықтар | «Менің 100 кітабым» сериясымен кітаптар жарық көрді

19.02.2016

«Менің 100 кітабым» сериясымен кітаптар жарық көрді

       Талдықорғандағы Тіл сарайында белгілі жазушы, драматург Роллан Сейсенбаевтың «Менің 100 кітабым» сериясымен шығарған Мемлекет басшысы Н.Назарбаевтың «Книга раздумий», Жүсіп Баласағұнның «Ақыл кітабы», «Дешті Қыпшақ жырлары» жинағы және Әбу Насыр Әл-Фарабидің «Қайырымды қала» кітаптарының тұсаукесері өтті. 

         Жиынды облыстық мәслихат хатшысы Ермек Келемсейіт жүргізді. Е.Келемсейіт облыста кітап шығаруға қаржылай қолдау көрсету 2006 жылдан бері үзбей жалғасып келе жатқанын, сол уақыттан бері бұл мақсатқа облыс бюджетінен 297 млн. 337 мың теңге бөлініп, 240 мыңға жуық кітап шығарылғанын тілге тиек етті. Биылғы жылы Мәскеу қаласындағы баспалардың бірінен Жамбыл Жабаевтың кітабын 1000 данамен шығаруға қомақты қаржы қарастырылған. Сонымен қатар Олжас Сүлейменовтің «Код слова», Әбіш Кекілбаевтың «Конец легенды», Смағұл Елубайдың «Одинокая юрта» кітаптарын ағылшын тіліне аударуға 12 млн. теңге бөлінді.

       Өз сөзінде жазушы Роллан Сейсенбаев «Менің 100 кітабым» атты сериямен кітаптар басуға шетелде оқитын қазақ жастары себепкер болғанын айтты. Бір кездесуде қазақ жастары қаламгерге қазақтың тарихын, әдебиетін, философиясын ықшамдалған, заманауи үлгіде оқығылары келетінін айтқан. Осы әңгімеден кейін аталмыш сериямен кітап шығаруды қолға алған жазушы жуырда Президентіміз Нұрсұлтан Назарбаевтың «Книга раздумий», Жүсіп Баласағұнның «Ақыл кітабы», Әбу Насыр Әл-Фарабидің «Қайырымды қала» кітаптарын және Дешті Қыпшақ жырларын басып шығарған. Жүсіп Баласағұн, әл-Фараби сияқты ғұламаларымыздың еңбектерін бүгінгі білім-ғылыммен ұштастыру қажеттігін де атап өтті. Және осындай игі істерге қолдау көрсетіп жүрген облыс басшылығына ризашылығын білдірді.

     Сонымен қатар осы басқосуда «Хабар» агенттігінің Алматы облысындағы тілшісі, қаламгер Әділхан Сахариевтің «Синдром Кентавра» атты кітабының да тұсауы кесілді. Бұл – жас жазушының тұңғыш кітабы.

      Жаңадан жарық көрген осы жинақтар облыстағы бірқатар кітапханаларға сыйға тартылды. 

      Baq.kz

 

Пікір қосу

Пікірлер

Бас демеуші

Дүниежүзі қазақтары қауымдастығының ұйымдастыруымен Қазақстанда және шетелдерде өтетін мәдени шаралардың бас демеушісі – «Самұрық-Қазына» ұлттық әл-ауқат қоры» акционерлік қоғамы

Ұсынамыз

ҚР БІЛІМ ЖӘНЕ ҒЫЛЫМ МИНИСТРЛІГІ

ҚР ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ

ҚР ҰЛТТЫҚ ЭКОНОМИКА МИНИСТРЛІГІ

ҚР ІШКІ ІСТЕР МИНИСТРЛІГІ

Құттықтау, құтты болсын

ҚР СЫРТҚЫ ІСТЕР МИНИСТРЛІГІ

Барлық ұсыныстар

Мекен-жайы
050002, Алматы қаласы
Ш.Уәлиханов көшесі, 43 А
Тел/факс: +7 (727) 2739997, 2733244.

Web: www.qazaq-alemi.kz
Модератор: info@qazaq-alemi.kz
Қабылдау бөлімі: qabyldau@qazaq-alemi.kz

ЖОЛ КАРТАСЫ

Сайт материалдарын қолдану үшін сілтеме көрсетуіңіз міндетті