Дүниежүзі қазақтары қауымдастығы

Басты бет | Жаңалықтар | Бекман Сойлыбаев WBA-NABA USA тұжырымы бойынша чемпион атанды

19.02.2016

Бекман Сойлыбаев WBA-NABA USA тұжырымы бойынша чемпион атанды

    Бекман Сойлыбаев Калифорния штатының Коста Меса қаласында мексикалық Мойзес Дельгадилломен кездесіп, жеңіске жетті. Әрі WBA-NABA USA тұжырымы бойынша екінші жартылай салмақ дәрежесінде чемпион атанып, кәсіпқой бокстағы алғашқы белбеуіне қол жеткізді. 

      Diamond Ring боксшысы Бекман Сойлыбаев кәсіпқой бокс рингіндегі сегізінші жекпе-жегін өткізіп, бұл жолы да басымдық танытты. Оның осы жолғы қарсыласы Мойзес Дельгадилло да Мексиканың жанкешті жігіттеріне тән «таяқ өтпейтін», өте төзімді боксшы болып шықты. Әйтсе де, Бекман одан жылдам, одан ширақ қимылдап, басымдық танытты.

       Осыдан бірер минут бұрын Бекманмен тілдескенімізде, ол әдетегідей күлімсіреп:

     – Өте қызықты айқас болды. Қарсыласым өте шыдамды және табанды жігіт екен. «Таяқ жеп» жатса да, алға қарай ентелей береді. Ол алға жылжыған сайын қарсы шабуылдарыммен «күтіп алып» немесе бір жағына қарай ойысып кетіп, қойғыштаумен болдым. Соққыларымды діттеген жеріме тигізіп те отырдым. Ол сондай жылдам боксшы болмағанымен, қайтпайды екен. Соққылары да – әжептәуір пәрменді. Бірақ мен одан бұрын қимылдап, оңды-солды төмпештедім. Басынан да, бауырынан да ұрып, жіті қимылдадым. Жекпе-жектің аяғына дейін қарқынымды бәсеңсіткен жоқпын. Сегіз раундтық жекпе-жектерге бейімделіп қалғанымды сеземін.

    Сөйтіп, Коста Меса төрінде аса тәжірибелі, 31-ші рет рингке шыққан Мойзес Дельгадиллоны жеңген Бекман кәсіпқой бокс шаршы алаңындағы жарқын жеңістерін кезекті жетістігімен сабақтай түсті. Әзірше ол сегіз жекпе-жек өткізіп, бәрінде де жеңіске жетті – 8 – 0 – 0 (3KO)

         diamondring.kz

Пікір қосу

Пікірлер

Бас демеуші

Дүниежүзі қазақтары қауымдастығының ұйымдастыруымен Қазақстанда және шетелдерде өтетін мәдени шаралардың бас демеушісі – «Самұрық-Қазына» ұлттық әл-ауқат қоры» акционерлік қоғамы

Ұсынамыз

ҚР БІЛІМ ЖӘНЕ ҒЫЛЫМ МИНИСТРЛІГІ

ҚР ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ

ҚР ҰЛТТЫҚ ЭКОНОМИКА МИНИСТРЛІГІ

ҚР ІШКІ ІСТЕР МИНИСТРЛІГІ

Құттықтау, құтты болсын

ҚР СЫРТҚЫ ІСТЕР МИНИСТРЛІГІ

Барлық ұсыныстар

Мекен-жайы
050002, Алматы қаласы
Ш.Уәлиханов көшесі, 43 А
Тел/факс: +7 (727) 2739997, 2733244.

Web: www.qazaq-alemi.kz
Модератор: info@qazaq-alemi.kz
Қабылдау бөлімі: qabyldau@qazaq-alemi.kz

ЖОЛ КАРТАСЫ

Сайт материалдарын қолдану үшін сілтеме көрсетуіңіз міндетті