Дүниежүзі қазақтары қауымдастығы

Басты бет | Жаңалықтар | Жазира Жаппарқұл: Қазақ осы күнді армандағалы қашан?

11.08.2016

Жазира Жаппарқұл: Қазақ осы күнді армандағалы қашан?

         Жазира Жаппарқұл бүгінгі жеңісінен кейін тілшілерге алғашқы әсерімен бөлісті, деп хабарлайды ҚазАқпарат тілшісі.

        "Қазақ осы күнді армандағалы қашан? Қуанышымда шек жоқ. Жүлдемді қазақ еліне арнаймын. төрт жыл төккен тердің жемісін, міне, бүгін көрдім. Бұл үлкен жаттығумен келген еңбектің жемісі. қуаныштан басым айналып тұр", - деп атап өтті Жазира.

        Ол сондай-ақ жарыс барысында жіберген қателіктерін де жасырмады.

     "Жұлқа көтеруде де, серпе көтеруде де қателіктерге бой алдырдым. Қай жерден қандай қателік жіберіп алғанымды жақсы білемін. Бірақ, өзімді тек медальға дайындап келгенімді есімнен шығарған жоқпын. Егер серпе көтерудегі үшінші мүмкіндігімді пайдалана алмағанда бұл жүлдеден қағылар едім. Соңғы салмақты көтергенде жарысты сәтті аяқтағанымды іштей сезіндім. О баста Олимпиададан жүлдесіз қалам деген ой болған жоқ. Менде елге тек медальмен оралуым керек деген мақсат қана болды. Міне, сол мақсатқа жеттім. Негізі алтын алуым керек еді. Қазақтың "күміс" қызы атандым, күміс те жаман емес", - деп ағынан жарылды Жазира Жапарқұл.

        Естеріңізге сала кетейік, Жазира қоссайыстың қорытындысы бойынша 259 келіні бағындырды. Ол серпе көтеруде алдымен 140 келіге тапсырыс берді. Алайда оны бағындыра алмады. Екінші мүмкіндігінде ол осы салмаққа қайта ұсыныс беріп, екіншісінде еркін көтерді. Ал үшінші  мүмкіндігінде Жазира Жапарқұл 144 келіні бағындырды. Қос сайыстың қорытындысы бойынша жерлесіміз 259 келімен Рио Олимпиадасының күміс жүлдегері және қазақ қыздарынан тұңғыш Олимпиада жүлдегері атанды.

         Бұл салмақта бас жүлде қоссайыстың қорытындысы бойынша қытай қызы Сян Яньмэйге бұйырды.  Үшінші орынды мысырлық Сара Ахмет жеңіп алды.  Сонымен бүгін Олимпиаданың бесінші күні қоржынымызға екінші күміс медаль бұйырды. 

           http://www.inform.kz/kaz/article/2935682

Пікір қосу

Пікірлер

Бас демеуші

Дүниежүзі қазақтары қауымдастығының ұйымдастыруымен Қазақстанда және шетелдерде өтетін мәдени шаралардың бас демеушісі – «Самұрық-Қазына» ұлттық әл-ауқат қоры» акционерлік қоғамы

Ұсынамыз

ҚР БІЛІМ ЖӘНЕ ҒЫЛЫМ МИНИСТРЛІГІ

ҚР ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ

ҚР ҰЛТТЫҚ ЭКОНОМИКА МИНИСТРЛІГІ

ҚР ІШКІ ІСТЕР МИНИСТРЛІГІ

Құттықтау, құтты болсын

ҚР СЫРТҚЫ ІСТЕР МИНИСТРЛІГІ

Барлық ұсыныстар

Мекен-жайы
050002, Алматы қаласы
Ш.Уәлиханов көшесі, 43 А
Тел/факс: +7 (727) 2739997, 2733244.

Web: www.qazaq-alemi.kz
Модератор: info@qazaq-alemi.kz
Қабылдау бөлімі: qabyldau@qazaq-alemi.kz

ЖОЛ КАРТАСЫ

Сайт материалдарын қолдану үшін сілтеме көрсетуіңіз міндетті