Дүниежүзі қазақтары қауымдастығы

Басты бет | Жаңалықтар | Қазақ жазушысының қуанышы

18.11.2016

Қазақ жазушысының қуанышы

Қазақ жазушысының қуанышы

         Тәуелсіздіктің 25 жылдығы мен Тұңғыш Президент күніне орай Анкара қаласында Қазақстанның Түркиядағы елшілігінің ұйымдастыруымен жазушы Рақымжан Отарбаевтың түрік тіліне аударылған «Бас» атты романы мен «Ақ көбелектер» атты әңгімелер жинағының тұсаукесер рәсімі өтті. 

     Шараға Қазақстанның Түркиядағы елшілігінің уақытша сенімді өкілі Әлімхан Есенгелдиев, Еуразия Жазу­шылар одағының төрағасы Якуб Ома­роғлы, Түркия премьер-министрінің кеңесшісі Дұрсын Кувелиоғлы, Ети­месгут муниципалитеті мэрінің орынбасары Айхан Үнал, Кечиөрен муниципалитеті мэрінің орынбасары Мұстафа Арач, Қазақстанның ТҮРКСОЙ-дағы өкілі Асқар Тұр­ғанбаев, Гази университетінің доценті, ғылым докторы Жәмила Кынаджы, жазушы Хатиже Үзгүл және басқа зиялы қауым мен дипломатиялық миссияның өкілдері қатысты. 
     Елшіліктің атынан құттықтау сөз сөйлеген Уақытша сенімді өкіл Әлімхан Есенгелдиев Қазақстан мен Түркия арасындағы бауырластық қарым-қатынастың күн өткен сайын нығайып отырғандығын атап өтіп, мәдениет және өнер, әдебиет және білім салалары бойынша атқарылған іс-шаралар жөнінде хабардар етті. Тәуелсіздіктің 25 жылдығына орай Ғабит Мүсірепов, Олжас Сүлейменов, Бексұлтан Нұржекеұлы, Мархабат Байғұт, Смағұл Елубай, Несіпбек Дәутайұлы, Дидахмет Әшімхан, Нұрғали Ораз сынды қа­зақтың көрнекті жазушыларының туындылары түрік тіліне аударыл­ға­нын айтты. 
    Қазақстанның еңбек сіңірген қайраткері Рақымжан Отарбаевтың «Бас» атты романын белгілі түркіта­нушы-ғалым Гүлзада Теменова тәржі­маласа, «Ақ көбелектер» атты әңгімелер жинағын аудармашы-жазушы Мәлік Отарбаев түрікше сөйлетті. Ал Еуразия Жазушылар одағы ай сайын шығарып отыратын «Кардеш калемлер» журналы бір санын Рақымжан Отарбаевтың шығарма­шылығына арнап отыр. Басы­лым осыған дейін Сүйінбай Аронұлы, Қасым Аманжолов, Бердібек Соқпақ­баевқа, Шерхан Мұртаза, Жамбыл Жабаев, Олжас Сүлейменов сынды ақын-жазушыларымыздың еңбектерін түркі жұртшылығына таныстырған болатын. 
     Рақымжан Отарбаевтың туын­дылары осыған дейін қытай, орыс, араб, француз, ағылшын тілдерінде жарық көрген. 
     – Бұл менің мерейтойыма орай көрсетіліп жатқан үлкен құрмет. Еларалық мәдени, әдеби байланыс орнады деген осындай болады. Мен үшін ғана емес, қазақ үшін қуанышты жаңалық. Атсалысқан азаматтардың барлығына алғыс білдіремін, – дейді жазушы Рақымжан Отарбаев. Соңынан мерейтой иесі Қазақстан елшілігінің «Қазақстан-Түркия» бауыЖамрластық медалімен және Дүйсен Қасейінов TÜRKSOY тағайындаған Халдун Танер атындағы халықаралық медал­ьмен марапаттады.

        http://aikyn.kz/ru/articles/show/31114-_aza_zhazushysyny_uanyshy

Пікір қосу

Пікірлер

Бас демеуші

Дүниежүзі қазақтары қауымдастығының ұйымдастыруымен Қазақстанда және шетелдерде өтетін мәдени шаралардың бас демеушісі – «Самұрық-Қазына» ұлттық әл-ауқат қоры» акционерлік қоғамы

Ұсынамыз

ҚР БІЛІМ ЖӘНЕ ҒЫЛЫМ МИНИСТРЛІГІ

ҚР ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ

ҚР ҰЛТТЫҚ ЭКОНОМИКА МИНИСТРЛІГІ

ҚР ІШКІ ІСТЕР МИНИСТРЛІГІ

Құттықтау, құтты болсын

ҚР СЫРТҚЫ ІСТЕР МИНИСТРЛІГІ

Барлық ұсыныстар

Мекен-жайы
050002, Алматы қаласы
Ш.Уәлиханов көшесі, 43 А
Тел/факс: +7 (727) 2739997, 2733244.

Web: www.qazaq-alemi.kz
Модератор: info@qazaq-alemi.kz
Қабылдау бөлімі: qabyldau@qazaq-alemi.kz

ЖОЛ КАРТАСЫ

Сайт материалдарын қолдану үшін сілтеме көрсетуіңіз міндетті