Дүниежүзі қазақтары қауымдастығы

Басты бет | Жаңалықтар | Отандық фильмдер Үндістанда көрсетіледі

12.12.2016

Отандық фильмдер Үндістанда көрсетіледі

kazakhfilm

           Ш.Айманов атындағы «Қазақфильм» АҚ жарыққа шығарған  кинотуындылар Үндістандағы Керала штатының астанасы Тируванантапурама қаласында желтоқсанның 9-ы мен 16-ы аралығында өтетін 21-ші Халықаралық үнді кинофестивалінде — айтулы оқиға  — «Қазақстанға назар салу» бағдарламасы аясында көрсетілетін болады, деп хабарлады kazakhfilmstudios.kz.

     Фестиваль шеңберінде «Қазақфильм» киностудиясының әр жылдары түсірілген фильмдері көрсетіледі, атап айтсақ: «Келін» (реж. Е.Тұрсынов), «Шал» (реж. Е.Тұрсынов), «Студент» (реж. Д.Өмірбаев), сондай-ақ  ҚР Мәдениет және спорт министрлігі тапсырысы бойынша «САҚ» студиясы түсірген «Қазақ елі» анимациялық фильмі (реж. Б.Дәуренбеков). Сонымен қатар, фестиваль шеңберінде Серік Апрымовтың «Аңшы» және «Бауыр» фильмдері көрсетіледі.

       Бұл картиналарды үнді көрермендеріне режиссердің өзі таныстыратын болады. Айта кететін жайт, Серік Апрымов фестивальдің халықаралық қазылар алқасының құрамына кіріп, бельгиялық режиссер Мишель Хлейфи (қазылар алқасының төрағасы), Үндістанның театр және кино актрисасы Сима Бисвас, ирандық актриса Баран Косари және фестивальдің бағдарламалар директоры Педро Пиментамен бірге фестивальдің үздік фильмін анықтайтын болады. Халықаралық қазылар алқасымен қатар киносыншылардан құралған — ФИПРЕССИ және НЕТПАК қазылар алқасы да жұмыс істейді. Биыл фестиваль барысында 62 мемлекеттен келген 185 картина көрсетіледі.

      1996 жылдан бері өткізіліп жатқан Халықаралық үнді кинофестивалі Үндістанда өткізіліп жүрген маңызды мәдени іс-шаралардың бірі. Байқаудың ұйымдастырушылары — Керала штатының Мәдениет министрлігінің қолдауымен «Chalachitra» киноакадемиясы. Фестиваль Халықаралық кинопродюсерлер ассоциациясы федерациясында 1999 жылы тіркелген болатын.

        https://egemen.kz/2016/12/11/82939

Пікір қосу

Пікірлер

Бас демеуші

Дүниежүзі қазақтары қауымдастығының ұйымдастыруымен Қазақстанда және шетелдерде өтетін мәдени шаралардың бас демеушісі – «Самұрық-Қазына» ұлттық әл-ауқат қоры» акционерлік қоғамы

Ұсынамыз

ҚР БІЛІМ ЖӘНЕ ҒЫЛЫМ МИНИСТРЛІГІ

ҚР ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ

ҚР ҰЛТТЫҚ ЭКОНОМИКА МИНИСТРЛІГІ

ҚР ІШКІ ІСТЕР МИНИСТРЛІГІ

Құттықтау, құтты болсын

ҚР СЫРТҚЫ ІСТЕР МИНИСТРЛІГІ

Барлық ұсыныстар

Мекен-жайы
050002, Алматы қаласы
Ш.Уәлиханов көшесі, 43 А
Тел/факс: +7 (727) 2739997, 2733244.

Web: www.qazaq-alemi.kz
Модератор: info@qazaq-alemi.kz
Қабылдау бөлімі: qabyldau@qazaq-alemi.kz

ЖОЛ КАРТАСЫ

Сайт материалдарын қолдану үшін сілтеме көрсетуіңіз міндетті